Schlusspunkt

Liebe HCO
Me het das wirgglig kenne gspyyre,
Du hesch es  richtig welle fyyre
Dy Juubeljoor und das isch richtig,
Denn dy Familie isch dir wichtig.
Und so hesch du durs ganze Joor
Mit uns e ganz e Huffe vor.
Mir alli kenne mit dir gniesse,
Ohni aber immer z miesse,
Und die Idee het super gfäggt.
Y has e baar Mool yynegschläggt,
Das Zämmesy mit alte Frind.
Villicht hesch nimm grad jeede Grind
Grad wider kennt bim erschte Gseh,
Das duet jo aber au nit weh
Und mit der Zyt het das nimm gsteert,
Me waiss jo, wo men aane gheert!
Me gheert zem alte HCO,
Jo Gottseidangg isch das eso!
Y ka au s Fescht am Samschtigzoobe
Jetzt wirgglig aifach numme loobe.
S isch super gsi vo A bis Z
Und s Ainzig, won y jetzt no wett,
Isch mi z bedangge vo dief inne,
Eso ka dä Verain nur gwinne!
Hopp HCO!
Ganz härzlige Dangg fir e toll Verainsjoor, e riise Loob em geniale OK und bis zem näggschte Mool.

Mit liebe Griess
Peter Suhr